भोग लगाने की आरती

करणी ने रात दिन आवे बेग अबार!
अबकी बैला अम्बका ले नव लख न लार!!


सभी मिल सगत्यां नवलख संत डोकरी जीमो डाढाली!


आसो दाख दुवारा विस्की, पीवो मध प्याली!
सुवरण थाल छत्तिसो भोजन बैठो विरदाली ! १ !

साठ पुलाव सोयता लिजे माता मतवाली !
दाव कलैजो और भुजवो जीमो माँ काळी ! २ !

घेवर पुडी पकवान मिठाई खटरस हिक थाली !
आप अरोगो मात इश्वरी चंडी चिरताली ! ३ !

रिद्धि सिद्धि चंवर करे निजकर सूं आनंद उजियारो !
कंचन कलश गंगाजळ भारियो पीवो प्रतिपाली ! ४ !

ढोल नगारा नोबत झालर बाज रही टाली !
मेहाई जद मात अरोगे बीस भुजा वाळी ! ५ !

अम्बादान चंडी तेरो चहरो माँ धावल वाळी !
कष्ट कलेश दुःखहर दरिद्र कर सम्पति शाली ! ६ !